“ਪੰਥਕ ਅਕਾਲੀ ਲਹਿਰ ਨੂੰ ਲੁਧਿਆਣਾ ਦੇ ਪਿੰਡਾਂ ਵਿੱਚੋਂ ਮਿਲ ਰਿਹਾ ਭਾਰੀ ਹੁੰਗਾਰਾ”

ਪਿੰਡ: ਕੁਤਬੇਵਾਲ, ਲੁਧਿਆਣਾ

ਜਥੇਦਾਰ ਭਾਈ ਰਣਜੀਤ ਸਿੰਘ ਨੇ ਪਿਛਲੇ ਦਿਨੀਂ ਇਸ ਨਗਰ ਨਿਵਾਸੀਆਂ ਨਾਲ ਮੀਟਿੰਗ ਕੀਤੀ। ਜਿਸ ਵਿੱਚ ਕਈ ਪੰਥਕ ਮਸਲਿਆਂ ਅਤੇ ਪੰਥਕ ਅਕਾਲੀ ਲਹਿਰ ਦੀਆਂ ਸਰਗਰਮੀਆਂ ਬਾਰੇ ਚਰਚਾ ਕੀਤੀ ਗਈ। ਸਿੰਘ ਸਾਹਿਬ 267 ਪਾਵਨ ਸਰੂਪਾਂ ਦੇ ਮਾਮਲੇ ਵਿੱਚ SGPC ਪ੍ਰਧਾਨ ਲੌਂਗੋਵਾਲ ਅਤੇ ਸ਼੍ਰੋਮਣੀ ਕਮੇਟੀ ‘ਤੇ ਰੱਜ ਕੇ ਗਰਜੇ। ਉਨ੍ਹਾਂ ਕਿਹਾ ਕਿ SGPC ਦੀ ਨੱਕ ਥੱਲੇ ਹੀ 267 ਪਾਵਨ ਸਰੂਪਾਂ ਦੀ ਬੇਅਦਬੀ ਹੋਈ ਹੈ ਅਤੇ ਇਸ ਦੀ ਜਾਂਚ ਜਸਟਿਸ ਬੀਬੀ ਨਵਿਤਾ ਸਿੰਘ ਨੂੰ ਦਿੱਤੀ ਗਈ ਸੀ। ਪਰ ਉਸ ਉੱਪਰ ਦਬਾਅ ਬਣਾ ਕੇ ਜਾਂਚ ਕਰਨ ਤੋਂ ਹਟਾਇਆ ਗਿਆ ਅਤੇ ਜਿਸ ਨੂੰ ਹੁਣ ਜਾਂਚ ਅਧਿਕਾਰੀ ਬਣਾਇਆ ਗਿਆ ਹੈ, ਉਹ ਭਾਈ ਈਸ਼ਰ ਸਿੰਘ ਹਨ। ਭਾਈ ਈਸ਼ਰ ਸਿੰਘ ਨਾ ਹੀ ਵਕੀਲ ਹਨ ਅਤੇ ਨਾ ਹੀ ਜੱਜ, ਤਾਂ ਉਹ ਜਾਂਚ ਕਿਸ ਗੱਲ ਦੀ ਕਰ ਰਹੇ ਹਨ। ਉਨ੍ਹਾਂ ਇਹ ਵੀ ਕਿਹਾ ਕਿ ਜਾਂਚ ਕਰਤਾ ਭਾਈ ਈਸ਼ਰ ਸਿੰਘ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਦੇ ਦੋਸਤ ਹਨ ਅਤੇ ਉਹ ਬਾਦਲ ਪਰਿਵਾਰ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।